تعلم، أكبر موقع عربي بالعالم

انتى فى دور وظيفة الام

لو فاهمة ان وظيفتك كأم
هي انك تأكّلي وتشرّبي وتغيري وتنضفي
يبقي انتي فاهمة الامومة غلط 😥

ابنك محتاج تشوفيه.. وتشاركيه .. وتعلّميه 💪🏻

ابنك بيستمد منك ثقته بنفسه .. محتاج يسمع 👂
انت ابني المفضل .. انت عبقري .. انت القائد
انت دماغك حلوة وذكي .. انت قوي .. انا بعتمد عليك .. انا فخورة بيك 😍

جربي تقوليله الكلام ده وهتشوفي عيونه بتلمع .. وبيحاول يثبتلك انه فعلا قد المسؤلية 💪🏻

محتاج تعلميه الصلاة .. وتحكيله قصص الانبياء .. وقصص واقعية في الحياة .. وقصص تعلمه مهارات الحياة وازاي يتصرف مع كل المواقف .. 📖
محتاج يعرف ازاي يتعامل مع صاحبه اللي بيستفزه .. ومع اخوه اللي بيضايقه .. ومع لعبته اللي اتكسرت .. وجارته اللي شتمته !! 😳

ابنك بيستمد منك قوتك النفسية او هشاشتك النفسية .. لو قاعده تبكي ليل نهار علي مشاكلك وخناقاتك مع زوجك .. هيطلع شخص ضعيف هش سهل الكسر 😔 .. او هيبقي انتقامي يأذيكي اكتر لانه متعلمش ازاي يتعامل !! 😳
قومي واقفي علي رجلك وعلمي ابنك يواجه الحياه 💪🏻

ابنك محتاج ترشديه لنضافته الشخصية .. وطريقة كلامه .. وطريقه اكله .. ومساعدته لاخواته .. والحفاظ علي حاجاته .. 🎓

محتاج يسمعك وتسمعيه .. محتاج يحس باهتمامك وتشوفيه 👀 ..
خلّي بالك كل زرع هتغرسيه 🌿 هتحصديه !!

 اسماء الباز

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *