لكل من فقد وعاني من فراق حبيب او زوج
عناصر المحتوي
مقالات قد تهمك
في بداية الصدمة بتدخلي صراع بين خيالك والواقع …مش عايزه تصدقي ان اللي راح راح .. وفي نفس الوقت معتش موجود علي ارض الواقع .. حسرة والم وقهر وتمني ..😔
لحظات شديد الصعوبة ممكن تمري بيها ..
انكارك للواقع مش هيفيدك بشئ .. لازم تصدقي ان خلاص اللي راح راح ومستحيل يرجع تاني
عشان كدا واجهي نفسك وصدقي 🙏🏻
الصراع ده ممكن يدخلك في حلقة حزن عميق .. احترمي حزنك وقتها وخدي وقتك الكافي فيه .. متحاوليش تتعافي علي نفسك وتخبيه وتعملي نفسك قوية وعفية .. لانك لو اتعافيتي علي نفسك هترجعي تاني في وقت متأخر تنهاري .. 😭
بعدها هتحسي بتأنيب الضمير علي كل لحظة مرت من غير وجودك مع اللي راح .. هتحسي بحسرة وندم ان كان ممكن تقدمي الافضل .. هتحسي بالعار انك اهملتي معاه في موقف سابق .. هتدخلي في دايرة اللوم وتأنيب الضمير القاتل .. 😞
في المرحلة دي احذررري انتي في منطقة خطر .. اللي راح خلاص اخد نصيبه من الدنيا واللي قدمتيه كان نصيبه وبس .. 🥺
فوقفي اللوم واقطعي التأنيب والغي من تفكيرك ان كان لسه لهم نصيب في حاجه ..
بعدها هياخدك الحنين والذكريات .. وهتحسي ان حياتك فاضية من غيرهم .. هتحسي ان وجودهم افضل بكتير وانك بتموتي من الاشتياق .. 😢
عشان تتغلبي علي الحنين القاتل الصامت .. افتكري كل المواقف الحلوة بس اللي ممكن تمنحك الحياه .. قاومي تفكيرك لحد ماتوجهيه علي الذكري الحلوة اللطيفه اللي ترسم بسمة علي شفايفك .. بدل الحنين القاتل اللي هيملاكي قهر وحزن واشتياق جامح .. ❤
ابتدي اعملي شوية حجات هتساعدك تتجاوزي وتتخطي الالم .. استعيني بالله واصبري .. احفظي قرآن .. حاولي تشغلي نفسك ووقتك .. اتعلمي حاجه جديدة .. العبي رياضه ..اخرجي وغيري جو .. 🏃🏻♀️
فكري دايما ازاي تقدري تفيديهم بالصدقة او الدعاء .. وافتكري ان الايام بتمر بسرعه وهتتقابلوا تاني 🙏🏻
مع الوقت هتخفي وهتبقي احسن من الاول .. والوقت هيداوي .. وهيفضلوا ذكري جميلة.. وطيف لطيف.. وحنين هادي .. 🌾
رحمكم الله يامن فقدناكم 💔
✍بقلمي انا
اسماء الباز
