نظام مريح لشغل البيت

😰كل يوم شغل مش بيخلس ودائره لا تنتهي اولا اذكركن بحمد الله وشكره علي نعمه الصحه والبيت

🎀 ثانيا جربي تشتغلي بالنظام ده👇👇

3 محاور اساسيه ان شاء الله لو اتقناهم هيفرقوا كتير جداا في حياتنا
1⃣♨️لHOT SPOt♨️

هو حتة في المطبخ أو البيت عموماً مش بتنضف كل يوم ومكن نتساها ولما نيجي نظفها بنلقيها بقت 😶😑هههه أمثلة :
الثلاجة
الفرن
الميكرويف
غرفة مكركبة
غسيل مكوم 👗👔عايز يتطبق
غسيل مش نظيف عايز يتلم من الغرف
امسكي الهوت سبوت ده واعملي فيه أي حاجة لمده بسيطه ولو 5 دقايق، إنتي طبعاً مش هتخلصيه بس هتكوني عملتي فيه حاجة بسيطة وكسرتي الحاجز النفسي 😉اللي بيخليك مأجلة انك تنظفيها أو لو كان مكان ترتبيه

2⃣ ⏰ Home blessing Hour:⏰

هي ساعة مرتين كل أسبوع حنشتغل فيها على الحاجات اللي بتكركب وتبقي مش نظيف بسرعة :

– غيري ملايات السراير
– امسحي الغبار من على الأثاث في البيت كله
– افرغي سلات الزبالة (أعزكم الله) اللي في البيت كله (ساعة بننسى السلة اللي في الحمام ولا اللي في غرفة الأطفال )
– اكنسي البيت كله : الموكيتات
– نظفي أرضية الحمام و المطبخ بالماء و ديتول أو أي نوع بتفضليه غسله محترمه بضمير🙈 غير بتاعه
– اغسلي المرايا والنوافذ و لمعيها

3⃣ Decluttering:😬الكراكيب

أو التخلص من الأشياء اللي ملهاش لازمة و بتسبب الكركبة و الإزدحام في البيت،

احنا طبعا حلوين وعملنا حمله اموره مع بعض عن

بس من الاعاده افاده
احنا الستات عندنا عقدة خطيرة و هي إننا مش بنحب نرمي حاجة يعني ممكن نحتفظ ببرطمان المربى لو شكله حلو، طقم الاطباق اللي بقالك 5 سنين مستعملتهوش، ملابس أولادك اللي بقت ضيقة عليهم، الكرسي أبو رجل مكسورة اللي من أيام الحملة الفرنسية ههههه وغيره و غيره

أنا عيزاكو تشتغلو في عملية ال-Decluttering أو التخلص من الفوضى دي على مهلكو، يعني ممكن البيت كله ياخد في ايدك شهر
أدوات “التخلص من الفوضى”:
3 كراتين كبيرة 📦📦📦
🙊كرتونة للأشياء اللي مبقاش لها أي لازمة و هتترمي
⚜و كرتونة للأشياء اللي لسة كويسة بس مبقتيش تستعمليها ومن الأفضل تتصدقي بيها

👈وكرتونة للأشياء اللي حاسة إن مكانها مش الغرفة دي ولازم تتحط فمكان تاني في البيت
اضبطي التايمر على 15 دقيقة وابدئي الشغل
وعشان تعرفي الحاجات اللي بتسبب الفوضى ولازم تتخلصي منها اسألي نفسك الأسئلة دي :
– هو الحاجة دي عزيزة عليا للدرجة دي ؟
– أنا استعملت الحاجة ولو مرة السنة اللي فاتت؟
– هي بقت فعلاً غير صالحة ومكانها الطبيعي سلة المهملات ؟
– هي الحاجة دي عندي منها إثنين ؟ هو أنا فعلاً محتاجة الاثنين ؟

لما الكراتين تتملي، خدي كرتونة الصدقة و حطيها على جنب لغاية متديها لحد يستحقها و خدي كرتونة الحاجات اللي هتترمي و ارميها قبل ما ترجعي فكلامك هههه و كرتونة الحاجات اللي مش في مكانها لفي بها على كل الغرف و حطي كل حاجة في مكانها المناسب
ممكن نفس الغرفة تاخد منك أسبوع، إشتغلي بس ال-15 دقيقة عشان متتعبيش و متيئسيش
نتيجة الكركبه فتوتر وأحباط وعصبيه 😞😕
وأنتى موش عارفه ان السبب الأكوام الكتيره
اللى بنمشى نتكعبل فيها فى البيت. 😱عصبيتك مع أولادك. 👊🏾
عصبية أولادك مع بعض. 👋🏽
عصبية جوزك معاكى ومع الأولاد سببها الكراكيب
وأكيد ساعات بيعلق تعليقات احنا ممكن نقول عليها سخيفه 🤐
بس بصراحه عنده حق.
أختارى اى ركن مكركب وركزى فيه فقط
وكونى صريحه مع نفسك فى تقرير انتى محتاجه الحاجات دى ولا لأ
ولو آه محتاجها فى ايه. وبعد أد ايه . وهل احتياجاك يستاهل انك تضحى براحتك النفسيه
علشان يمكن تعوزيها بعد سنه ولا أكثر.

ولا حيا ه سهله ومريحه اتخذي القرار😘

🗯نادي كل الستات علي التليجرام