فخارة اللحم بالبندورة

بنطبخ أكلات غربية و من مطابخ متنوعة كتير بس بنرجع لمطبخنا التقليدي 👌😋

مافي متل أكلاتنا و خصوصا صاجيات و حمسات اللحمة 😋👌.
اليوم غدانا كان سريع عملة قلاية اللحمة بالبندرة بس حبيت ادلعها بالفخارة و العجين على الوجه شوفو الفيديو و استمتعو❤😋.
المكونات و الطريقة:
بطنجرة على النار ضفت زيت نباتي و زيت زيتون
على نار عالية ضفت ٥٠٠ غ لحم خروف مقطع مكعبات متوسطة و تركتها من دون تقليب مدة دقيقة.
بعد دقيقة قلبت اللحمة حتى تغير لونها.
ضفت بصلة مفرومة ناعم و قلبت مدة دقيقة.
ضفت ٣ فصوص ثوم مفروم و قرن فلفل حار.
ضفت رشة الفلفل الأسود و البابريكا و السبع بهارات ( من بهارات الشيف الكلحة يلي عنجد صرت ما أقدر استغني عنها و الملح
بعدها مباشرة ضفت ٥ حبات طماطم مقشرة و مفرومة خشن .
بمجرد غليان الطماطم رفعت الطنجرة من على النار.
نقلت المكونات إلى الفخارة.
غطيتها بالعجين و على الفرن نص ساعة حتي تكمل اللحمة استوائها و تتسبك البندورة.
خبزت النصف التاني من العجين على الصاج حتى يتحمر
قدمتها ساخنة مع الخبز.
طيبة كتير ولازم تجربوها 👌😋.
و بالعافية❤.
للعجينة: ٣ أكواب طحين مع رشة ملح و نص م ص خميرة و سكر مع ٣ م ك زيت نباتي و عجنتها بماي دافية و تركتها نص ساعة لتخمرت