البطاطا نبات قرحة المعدة و الإرتجاع والحموضة

نبراستغذية
البطاطا نبات قرحة المعدة و الإرتجاع والحموضة

عناصر المحتوي

    مقالات قد تهمك

    تعرف بقى إن البطاطا الجميلة دى بتعالج قرحة المعدة آه والله مش هتحتاج أدوية وإسمع القصة .
    قرحة المعدة بتتكون بسبب الغلابة اللى بيتعاطو مسكنات بإستمرار سواء عشان مفاصلهم ولا أسنانهم ولا لاقدر الله ورم أو الأمراض المناعية الإلتهابية زى الروماتويد وبرضه فيه أسباب تانية زى الميكروب الحلزونى أو بعض الأدوية اللى بتسبب إرتجاع زى أدوية الضغط ولكن البطاطا هى الحل الجذرى !
    فى دراستين الأولى فى الهند فى ٢٠١١ والتانية فى البرازيل سنة ٢٠١٢ تؤكد بما لايدعو مجالا للشك إن البطاطا الحلوة علاج جذرى و فعال لقرحة المعدة ومش بس كده دى كمان بتمنع التورم و الإلتهاب الشديد بالمعدة وبالتالى وجع البطن طيب هل للبطاطا الحلوة إستخدمات أخرى ؟

    ١- منجم فيتامين ألف صديق العين ياجماعة اللى بيمنع جفافها .
    ٢- مغذية جدا وبتعالج مقاومة الإنسولين بس هنا بدون زبيب حط جوز هند بس إن حبيت وكلها مشوية رائعة .
    ٣- مصدر الماغنسيوم رقم واحد و دا بقا ياسيدى بيريح عضلاتك و أعصابك بطريقة وهمية وياسلام لو معاها كوباية لبن أو الأرز باللبن للكالسيوم و البطاطا الماغنسيوم هتنام نوم عميق وهتاكل فعلا رز بلبن مع الملايكة لأنك هتنام نوم عميق وسعيد بدون الشد العضلى الرخم .
    ٤- مليانة مادة إسمها أنثوسيانين رائعة للإلتهابات والالام .
    ٥- مفيش حاجة إسمها أمراض القلب والشرايين مع البطاطا أصلها مليانة مواد فينولية بتمنع إلتهابات الشرايين اللى بعد كده بتقلب بتصلب .
    ٦- بتمسح ميكروب السلامونيلا المسبب لحمى التيفود مسح فهتريح قولونك لو كان عندك تيفود وبتقتل ميكروب الكلابسيلا المسبب لأمراض الجهاز التنفسى فلو عندك حساسية صدر وإلتهاب مزمن بالصدر دا غذائك الأول .
    ٧- البطاطا بتخلى جلدك ناعم وجميل زى بشرة الأطفال كده لانها مليانة فيتامين هاء .
    ٨- البطاطا هتنظم جهازك الهضمى وهتدخلك الحمام كل يوم وهنا بقولك حط عليها تين مجفف وزبيب رائعة ومتخدش الملينات اللى بتدمر مخزونك من المعادن اللى جسمك محتاجها .
    ٩- علاج فعال لمرضى ضعف الحيونات المنوية سواء حركة ولا عدد عشان غناها بفيتامين الخصوبة فيتامين ألف وفيها حديد يبنى ليك دمك لو عندك أنيميا نقص حديد .
    ١٠- مدمن البطاطا ذاكرته حديدية ميفوتوش معلومة أبدا إلا ويجيبها .
    فى النهاية دى أكله صحية جدا ناس كتير متعرفش قيمتها الطبية