اهمية فيتامين ب

فيتامين ب من اهم الفيتامينات التى يحتاجها جسم الانسان وله عدة انواع

كذا حد سألني إيه هو ڤيتامين B “ب” ونلاقيه فين في الأكل أو نعوضه إزاي ..
ڤيتامين ب أساساً عبارة عن ڤيتامين ب (1/2/3/6/9/12) .. يعني مش اللي نعرفه والأكثر شهرة واللي هو 12 بس ..
ڤيتامين ب : بيند الجسم بما يحتاجه للقيام بالوظائف الحيوية وموجود في جسمك عشان يدعم القلب، الأعصاب، العضلات، الجهاز الهضمي، الجهاز العصبي، الغدد الصماء وخلايا الدم الحمراء..
مهمته يقلل التوتر وتشجنات الجسم ، يساعد في الصداع النصفي ، ويزودك طاقة ويقوي أعصابك ، ومفيد للحوامل جداً جداً ..
عشان تلاقيه هتحتاج منتجات الألبان والبيض والموز والبطيخ والورقيات الخضراء والدواجن والحبوب الكاملة ..
والرخويات وركز أوي مع الرخويات زي الجمبري والسلمون والماكريل والمحار وغيرهم .. ودول لو أنت عايز تدعم جسمك .. طيب لو عندك مشكلة وعندك نقص في ڤيتامين ب في جسمك ، هتحتاج رقائق الخميرة جداً جداً عشان دي مادة علاجية من الدرجة الأولى لإلتهاب الأعصاب عشان فيها مادة الثيامين وفيها B12 + B9 مع بعض .. والكورديسيبس عشان قلبك وشرايينك وخلايا الدم الحمراء ..
تحليل الدم هيوضحلك نسبته في دمك ومدى تأثيره على صحتك ومنع مضاعفاته لو لحقته .. الڤيتامينات دي مهمة جداً جداً جداً عشان جسمك شغال زي المصنع لو قصرت في حق إنتاج حاجة واحدة مش هيديك المنتج النهائي واللي هو صحة سليمة ..