نداء لكل زوجه وزوج

● الإهتمام مش محتاج مجهود و لا فلوس كتير ..

●بلاش نقف لبعض علي الواحدة…

●احسنوا النوايا..

●اهتم بالتفاصيل ( مراتك / زوجك ) التفاصيل بتفرق و الاهتمام بيها بيصنع المعجزات..

●اقوي حب بيموت بالإهمال و الشك..

●الحب والمودة والرحمة اللي بينكم مش بالكلام و بس.. اكبر من كده بكتير..

●نجاح اي علاقة محتاج مجهود من الطرفين…

●بلاش مقارنات..

●بلاش دماغ ناشفة و ان شريك حياتك يزهق من النقاش معاك

●الرجل الذكي هو اللي فاهم طبيعة الانثي ..

●الغلط بيجيب غلط أكبر منه.. الإحترام ♥♥♥اهم حاجة..

●كبّروا دماغكوا..

●امدح في مراتك قدامها ومن وراها..

●اللي مبيعجبوش العجب ده اكتر نوع مزعج في الجواز..

●الرجل و الست بيكملوا دور بعض مفيش حد فيكم دوره مش مهم..

●مراتك شايلة كتير اوي.. ساعدها على قد ما تقدر..

●جوزك طالع عينه في الشغل.. قدّري تعبه..

●النكد بيحول اي بيت لمكان يسد النفس.

●كلمة تسلم ايدك مش صعبة..

●كلمة ربنا يبارك لينا فيك أو فيكي مش صعبة ..

●الولاد مسئوليتكم سوا من الألف للياء..

●اسمعها حتي لو كلامها تافه بالنسبالك.. {هو مش تافه علي فكرة}..

●اديله مساحته.. لما بتخنقي الراجل بيبقي قرفان اكتر و مش طايق عيشته..

●خلي ليكي صحاب صالحة .. هتفرق معاكي اوي..وانت كمان خلي عندك صحاب صالحين..

●احترموا بعض..

●دلعو بعض..مش عيب و لا حرام.. دا حتى ف الحلال!!

●هزروا سوا ..بلاش غلاسة..

●اللي زعلان ميشيلش جواه.. الفضفضة بتجيب من الاخر..

●بلاش انانية و إن في طرف مستني كل حاجة من التاني..

●مفيش حد ملاك بس في ناس بتغلط و بتعتذر و بتحسن من نفسها..

●بلاش دور الضحية.. ممل جدا..

●التفاهم مهم اوي..اتكلموا كتير ..

●متخليش شريك حياتك يقفل منك و يجيب آخره و انت مصمم انك تفضل زي ما انت و خلاص عشان السكة دي اخرتها مش حلوة..

اسماء الباز